სტუმრად მოვიწვიეთ ისრაელის ელჩი რან გიდორი ,რომელმაც პროექტის კონკურსებში საპრიზო ადგილზე გასულ მოსწავლეებს პირადად გადასცა სერტიფიკატები, მადლობის სიგელები და საჩუქრები. ასევე, ვუმასპინძლეთ თეთრიწყაროს ახალგაზრდული ცენტრის დამფუძნებელს ქ-ნ ლუსო დოსტიბეგიანს , ifact-ის ჟურნალისტს ქ-ნ აიდან აუსუფს და მარიამ შარაშიძეს. დიდი მადლობა მათ მობრძანებისათვის და ბავშვების გახარებისათვის. აგრეთვე, მადლობა ჩვენს პედაგოგებს თამთა ჯიჯავაძეს (პროექტის ორგანიზატორს) და მარი დონდოლაძეს თანასწორობის თემატიკაზე პიესის დაწერისათვის, რომლის მიხედვითაც დადგმული სპექტაკლი წარვადგინეთ სტუმრებთან.

სკოლა „აკადემოსი“ ჩაერთო პროექტში “ერთობლივი ინიციატივა რადიკალიზაციის და ექსტრემიზმის წინააღმდეგ”. პროექტის ფარგლებში ჩვენი სკოლის სამოქალაქო განათლების მასწავლებელი და სკოლის მოსწავლეები მარიამ შარაშიძესთან ერთად თანასწორობის თემაზე აქტივობებს დაგეგმავენ და განახორციელებენ. 

გაცნობებთ, რომ  „(ISM)მენეჯმენტისა და ეკონომიკის უნივერსიტეტმა“, რომელიც ითვლება ერთ-ერთ ყველაზე დიდ ბიზნეს სკოლად ევროპაში, გააფორმა მემორანდუმი სკოლა „აკადემოსთან“. შემოთავაზების თანახმად, ჩვენი სკოლის უფროსკლასელები გაივლიან ბიზნესის,მენეჯმენტისა და კარიერული წინსვლის კურსებს,რომელსაც წარუძღვებიან ოქსფორდისა და კემბრიჯის უნივერსიტეტების წამყვანი ლექტორები.

სკოლა „აკადემოსი“ და სამოქალაქო განათლების მასწავლებელი თამთა ჯიჯავაძე მონაწილეობენ პროექტში „ერთობლივი ინიციატივა რადიკალიზაციისა და ძალადობრივი ექსტრემიზმის წინააღმდეგ“. პროექტი რამდენიმეეტაპიანია, რომლის ფარგლებშიც ჩვენი მოსწავლეები აიმაღლებენ კომპეტენციებს, რაც საჭიროა დემოკრატიული საზოგადოებისთვის და ქვეყანაში სამომავლოდ თანასწორობის უზრუნველყოფისთვის. მომავალ სემესტრში ისინი იმუშავებენ პროექტზეც, რომელიც სწორედ ამ მიზანს ემსახურება.