საზოგადოებასთან და მშობლებთან თანამშრომლობის გზით, განათლების
ეროვნული მიზნებიდან გამომდინარე, მიზნად ვისახავთ თითოეული მოსწავლის
აკადემიური, სოციალური, ფიზიკური და ესთეტიკური მოთხოვნილებების
დაკმაყოფილებას. ჩვენი სკოლა ხელს უწყობს ბავშვზე ორიენტირებული
გარემოს ფორმირებას. ვცდილობთ, მოსწავლეთა მიღწევები ვაქციოთ უმაღლეს
პრიორიტეტად და მის განსახორციელებლად მოვიზიდოთ შესაბამისი
ფინანსური, მატერიალური და ადამიანური რესურსები.
ჩვენი მთავარი პრიორიტეტია უცხოური ენების შესწავლა პირველივე
კლასიდან და როგორც წერილობითი, ისე ზეპირი ურთიერთობების უნარების
განვითარება. ამას გარდა, ”აკადემოსის” მისიაა უსაფრთხო, პოზიტიურ
გარემოში ეროვნული ტრადიციების გათვალისწინებით და მაღალკვალიფიციური
მომსახურებებით, წარმატებულ ცხოვრებაზე ორიენტირებული, დამოუკიდებლად
გადაწყვეტილების მიმღები ღირსეული მოქალაქის ჩამოყალიბება.
