მოგესალმებით, ჩემო ძვირფასო კოლეგებო, პედაგოგებო! მინდა უკლებლივ ყველას მადლობა გადაგიხადოთ დაუღალავი შრომისა და ღვაწლისთვის, ვიცი, თითოეულისთვის როგორი შრომატევადია ეს გამოწვევა. სიახლე, დიახ, გვიყვარს, მაგრამ ასეთ დაძაბულ და სტრესულ გარემოში მუშაობას ვერც კი წარმოვიდგენდით. მოსწავლის, მშობლის და სკოლის იმედი ახლა ჩვენ ვართ. გავამართლოთ მოლოდინი! ეს ის გაკვეთილია, რომელიც ცხოვრების გაკვეთილად გვექცა ყველას.ჩვენს ზარს მოუთმენლად ელოდება ყველა -გვისმენს ბებია, ბაბუა, დედა, მამა, და-ძმა- და ვხვდებით, რომ განათლება მართლა იარაღია, მედიკამენტიც, იმედიც და განტვირთვის ყველაზე სასიამოვნო დროც კი. მოგვისმინეთ, დაგვეხმარეთ კიდეც, უკარნახეთ და "შპარგალკების" როლიც შეასრულეთ, ძვირფასო მშობლებო, ბებიკოებო, ბაბუებო! აბა, პატარ-პატარა ეშმაკობების გარეშე გაკვეთილი ვის გაუგია?! თქვენც მადლობას მოგახსენებთ თანადგომისთვის, გაგებისთვის, დახმარებისთვის.

მივმართავ სკოლა ,,აკადემოსის“ ყველა მასწავლებელს, მშობელს, თანამშრომელსა და თავად ქალბატონ თამარს- დირექტორს! მეამაყება, რომ უმოკლეს დროში გავართვით თავი დისტანციურ სწავლებას, ყველა ბარიერს დავძლევთ, ყველა ხარვეზს გამოვასწორებთ! არ იდარდოთ, ,,სიარულს სიარულით ვსწავლობთ“! ქართული ენისა და ლიტერატურის კათედრის ხელმძღვანელი თამარ ორმოცაძე

სკოლა ,,აკადემოსი" ამაყობს არა მარტო ნიჭიერი და წარმატებული მოსწავლეებით, არამედ იმ პედაგოგებითაც, რომლებმაც სწორედ აქ აიდგეს ფეხი, საინტერესო და რთული გზა განვლეს სკოლასთან ერთად წარმატების მისაღწევად.

სკოლა ,,აკადემოსი" სააბიტურიენტო ჯგუფს სთავაზობს :

• კეთილმოწყობილ გარემოს, პროფესიონალ პედაგოგთა გუნდს,
• საგანთა მრავალფეროვან არჩევანს (აბიტურიენტს შეუძლია აირჩიოს მისთვის სასურველი ერთი ან რამდენიმე საგანი),
• ყოველ საგამოცდო საგანში საფუძვლიან მომზადებას (რეგულარულ ტესტირებას, მიღებული შედეგების დეტალურ ანალიზს, ინდივიდუალურ, დამატებით მუშაობას), 
• თითოეული საგნის სავალდებულო საათები გაიზრდება საჭიროების მიხედვით (გავითვალისწინებთ ცოდნის დონეს), ყურადღება!

სააბიტურიენტო ჯგუფის წევრებს შესაძლებლობა ექნებათ, საზღვარგარეთ სწავლის გაგრძელების შემთხვევაში სკოლაში მოემზადონ და ჩააბარონ საერთაშორისო დონის სასერტიფიკაციო გამოცდები.

ქალბატონ იზა ჩანტლაძის სტატია

როგორც უკვე ცნობილია, სკოლა ,,აკადემოსის" ყველა მოსწავლეს მიეცა შესაძლებლობა, ჩააბაროს სასერტიფიკაციო გამოცდები შემდეგ პროგრამებში: